القائمة الرئيسية

الصفحات

قصص شعر | شعر قصصي رائع ، شعر قصص حزينه جدا لدرجة البكاء


قصص شعر حزينه

قصص شعر حزينه جدا لدرجة البكاء


نتناول في هذا الموضوع قصة شعرية رائعة ..
 القصة الشعرية هي قصة تقدم شعر مقفى .. 
أو هي شعر موزون يحكي قصة متكاملة الأحداث عادة ما تكون واقعية  تقدم عبر و حكم رائعة مفيدة .

القصة التي تناولناها اليوم قصة واقعية جدا و حزينة , لكنها تبث روح الأمل , فالحياة لا تنتهي بموت أحبائنا ... فقط أكمل طريقك على نهج أحبائك مكملا الدرب اللي بدأوه .










في يوم من الأيام .. يوم حالك الظلام ... يوم مالت كل أحلامي أمامي ... 
كدت أهلك أو اموت .. ماتت أمي ..
بصيت لقيت ... ايد بتطبطب على كتفي ..
 تقولي قومي .. حبيبتي قومي ... أنا جنبك .. معاكي أكمل ..مشوار طويل ...
 ليلة ضلمة , ليلة نور .. طريق حجارة و طريق قريب منك صخور ..
بعده هتلاقي الأمان .. نبني و نعلي في حياتنا مهما كان .. 


اختك انا ! .. شالتنا بطن واحدة .. بصرخة قلبها اتولدنا ..قومي يلا ! .. 

مسحت دموع عيني .. و قلب طيب احتواني ..
 فكرتني بعهد أمي : انتي و اختك قلب واحد .. نبض واحد .. القوي يشيل الضعيف !
.. مهما كان الكون مخيف ! .. تخف عنك كل آلام الحياة .. 

لما أموت ; ما تحزنوش .. افتكروا اني طيف معاكو أعيش .. و إن كبرتوا ما تبعدوش !

خدتني أختي في قلبها , فتحتلي أبواب الحياة .. 
يوم مناهدة , يوم مهاودة و يوم جموع الفرحة عايدة .. 
شايفاكي اختي و حاسة بيكي .. انتي وطني ساكنة فيكي .. 
ظلي بيظلل عليكي .. شمسك بتنور طريقي !

نامي أمي ما تقلقيش ! ..

انا و اختي هنكمل طريقك .. و لما أجيلك ; هحكي ليكي .. ان عهدك كان قصادنا !
حرف حرف , كلمة كلمة .. كل حرف كل سكنة ...
 مهما كانت الدنيا ضلمة ; نور كلامك , ابتسامتك , حضن قلبك .. 
مهما قولت .. ماوفيكيش ... نامي يامّا , ماتقلقيش .
هل اعجبك الموضوع :

تعليقات